धाराशिव भाजपकडून शिवसेना (उद्धव बाळासाहेब ठाकरे) पक्षाचे खासदार ओमराजे निंबाळकर यांच्यावर पोस्टर वार

Spread the love

धाराशिव – धाराशिवमध्ये भाजपकडून शिवसेना (उद्धव बाळासाहेब ठाकरे) पक्षाचे खासदार ओमराजे निंबाळकर यांच्यावर जोरदार टीका करण्यात येत असून, सोशल मीडियावर पोस्टर वायरल करून त्यांना लक्ष्य करण्यात येत आहे. आमदार राणाजगजितसिंह पाटील यांच्या समर्थक व भाजप कार्यकर्त्यांकडून वेगवेगळ्या अकाउंट्सवरून हे पोस्टर शेअर केले जात आहेत.

पोस्टरमध्ये ठळक अक्षरांत प्रश्न उपस्थित करण्यात आला आहे –

 “दुर्योधनाचा खटाटोप कशासाठी? फक्त शकुनी मामाला वाचवण्यासाठी?”

तसेच पोस्टरमध्ये असा थेट आरोप करण्यात आला आहे की –
“आपलं पितळ उघड पडेल या भीतीने राणा दादांवरती बेलगाम आरोप करणाऱ्या खासदार साहेबांनी आपले मामा पवनचक्की कंपनीचे एजंट आहेत का नाही? आधी याचं उत्तर द्यावं.”

या वादग्रस्त मजकुरामुळे धाराशिवच्या राजकारणात खळबळ उडाली असून, भाजप–शिवसेना (उद्धव बाळासाहेब ठाकरे) गटामधील वाद आणखी तीव्र होण्याची शक्यता व्यक्त केली जात आहे.