एचआयव्ही बाधित धाराशिवच्या अल्पवयीन मुलीवर अत्याचार : पाच जणांविरोधात ढोकी पोलीस ठाण्यात गुन्हा दाखल

Spread the love

धाराशिव : धाराशिव जिल्ह्यातील एका तालुक्यातील अल्पवयीन मुलीवर, जी एचआयव्ही बाधित आहे, अत्याचार केल्याची धक्कादायक घटना समोर आली आहे. संबंधित मुलगी एका औसा तालुक्यातील संस्थेमध्ये राहत होती. त्या संस्थेतच अत्याचार केल्या असल्याची प्राथमिक माहिती आहे

या गंभीर प्रकरणी धाराशिव जिल्ह्यातील ढोकी पोलीस ठाण्यात पाच आरोपींविरोधात गुन्हा दाखल करण्यात आला आहे. सूत्रांनी दिलेल्या माहितीनुसार, ही मुलगी धाराशिव जिल्ह्यातील असून ही संपूर्ण घटना लातूर जिल्ह्यातील औसा तालुक्यातील एका संस्थेत घडल्याचे स्पष्ट झाले आहे. त्यामुळे घटनेचा तपास दोन्ही जिल्ह्यांतील यंत्रणांकडून सुरू आहे.

या मुलीच्या जबाबातून संस्थेत आणखीही काही मुलींवर अत्याचार झाल्याची माहिती प्राथमिक माहिती आहे. त्यामुळे अधिक खळबळ उडाली आहे. पोलिसांकडून यासंदर्भात अधिक चौकशी सुरू आहे. व गुन्हा वर्ग करण्यात आला.

या घटनेनंतर धाराशिव आणि लातूर या दोन्ही जिल्ह्यांमध्ये संतापाची लाट पसरली आहे. पोलिसांनी तत्काळ कारवाई करत पाच आरोपींविरोधात गुन्हा दाखल करून तपास सुरू केला आहे.