धाराशिवमध्ये आधुनिक वैद्यकीय सुविधांचा नवा अध्याय सुरू! – आमदार राणाजगजितसिंह पाटील यांची माहिती

Spread the love

धाराशिव (प्रतिनिधी) – धाराशिव जिल्ह्यातील आरोग्यसेवेसाठी एक महत्त्वपूर्ण पाऊल उचलण्यात आले असून शासकीय आयुर्वेद महाविद्यालय व संलग्न रुग्णालयात लवकरच अत्याधुनिक वैद्यकीय सेवा सुरू होणार आहेत. या सेवांमुळे रुग्णसेवेची गुणवत्ता लक्षणीयरीत्या सुधारणार असून, धाराशिव जिल्ह्यातील नागरिकांना मोठा दिलासा मिळणार आहे.

प्रमुख सुविधा –

➡️ सुसज्ज शस्त्रक्रिया कक्ष (Modular OT)
रुग्णांसाठी अचूक, सुरक्षित आणि आधुनिक शस्त्रक्रियेसाठी अद्ययावत ऑपरेशन थिएटर तयार करण्यात आले आहे.

➡️ केंद्रीकृत निर्जंतुकीकरण विभाग (CSSD)
सर्व वैद्यकीय उपकरणांचे शास्त्रोक्त पद्धतीने निर्जंतुकीकरण होईल, त्यामुळे संसर्गजन्य आजारांचा धोका कमी होणार.

➡️ वैद्यकीय गॅस पुरवठा यंत्रणा
ICU, नवजात शिशू ICU, आपत्कालीन सेवा व पुनर्वसन विभागासाठी सतत आणि सुरक्षित वैद्यकीय गॅस पुरवठा सुनिश्चित केला जाणार आहे.

या सुविधांमुळे होणारे फायदे –
✅ शस्त्रक्रिया अधिक सुरक्षित व आधुनिक पद्धतीने
✅ रुग्णालयातील संसर्गजन्य आजारांचा धोका कमी
✅ नवजात बालकांसाठी आधुनिक ICU
✅ आपत्कालीन परिस्थितीत जलद आणि प्रभावी उपचार
✅ रुग्णांचे जीव वाचवण्याची शक्यता वाढणार

या महत्त्वाकांक्षी प्रकल्पासाठी ₹३९.५० कोटींचा निधी मंजूर करण्यात आला असून, यासाठी मुख्यमंत्री मा. देवेंद्र फडणवीस, उपमुख्यमंत्री मा. एकनाथ शिंदे, उपमुख्यमंत्री मा. अजित पवार, तसेच वैद्यकीय शिक्षणमंत्री मा. हसन मुश्रीफ यांचे आमदार राणाजगजितसिंह पाटील यांनी विशेष आभार मानले आहेत.

धाराशिवकरांसाठी ही वैद्यकीय सेवा केवळ एक सुविधा नसून, आरोग्यविषयक सुरक्षेसाठीचे एक सशक्त पाऊल आहे.

—

#धाराशिवन्यूज #धाराशिव #उस्मानाबाद #उस्मानाबादन्यूज #अंतरसंवादन्यूज
#Dharashiv #osmanabad #HealthcareNews #MedicalInfrastructure #Rughnseva #AntarsanwadNews