धाराशिव (प्रतिनिधी) – तहसिल कार्यालयातील कामासाठी तलाठी व त्याच्या खाजगी लिपिकाने मिळून ५ हजार रुपयांची लाच मागितल्याच्या तक्रारीवरून लाचलुचपत प्रतिबंधक विभाग, धाराशिव युनिटने सोमवारी (दि. ५ मे) सापळा रचत तलाठी व त्याच्या सहकाऱ्यास ४ हजार रुपयांची लाच स्वीकारताना रंगेहाथ अटक केली.
तक्रारदाराने दिलेल्या माहितीनुसार, त्यांच्या वडिलांच्या नावावर असलेल्या गट नं. १५/१० मधील शेतजमिनीतून कुळाचे नाव कमी करण्यासाठी त्यांनी तहसिल कार्यालय, धाराशिव येथे अर्ज दाखल केला होता. यावर तहसिलदारांनी मंडळ अधिकाऱ्यांमार्फत स्थळ पाहणी करून अहवाल सादर करण्याचे आदेश दिले होते. त्यानुसार तलाठी भूषण वशिष्ठ चोबे (वय ३१) व त्यांचा खाजगी लिपीक भारत शंकर मगर (वय ६४) यांनी मिळून अर्जदाराकडे ५ हजार रुपयांची लाच मागितली.
तक्रारीनंतर धाराशिव लाचलुचपत प्रतिबंधक विभागाने सापळा रचून आज (दि. ५ मे) वाघोली येथील तलाठी कार्यालयात ही कारवाई केली. या कारवाईदरम्यान, तलाठी भूषण चोबे यांनी भारत मगर यांच्या मार्फत तक्रारदाराकडून ४ हजार रुपये स्वीकारले व त्याचवेळी त्यांना पंचासमक्ष रंगेहाथ पकडण्यात आले.
आरोपींच्या अंगझडतीत तलाठीकडून ५ ग्रॅमची सोन्याची अंगठी, ३० ग्रॅमचा चांदीचा कडा, सॅमसंग मोबाईल, पार्कर पेन, डेल कंपनीचा शासकीय लॅपटॉप तर खाजगी लिपिकाकडून लाच रक्कम ४ हजार रुपये, अतिरिक्त १०९० रुपये रोख व एक कीपॅड मोबाईल सापडला आहे. आरोपींच्या घरझडतीची प्रक्रिया सुरू असून, दोघांच्या मोबाईलचा तपास केला जाणार आहे.
या प्रकरणी भूषण चोबे यांच्याविरुद्ध भ्र.प्र.क. अधिनियम कलम १२ व भारत मगर यांच्याविरुद्ध कलम ७ (अ) अंतर्गत धाराशिव ग्रामीण पोलीस ठाण्यात गुन्हा दाखल करण्याची प्रक्रिया सुरू असून, पुढील तपास सुरू आहे. आरोपींना अटक करण्यात आली आहे.
या सापळा कारवाईचे नेतृत्व पोलीस उप अधीक्षक श्री. सिद्धाराम म्हेत्रे यांनी केले असून, त्यांना पोलीस अंमलदार नेताजी अनपट, आशीष पाटील व नागेश शेरकर यांचे सहकार्य लाभले. ही कारवाई पोलीस अधीक्षक श्री. संदीप आटोळे व अपर पोलीस अधीक्षक श्री. मुकुंद आघाव यांच्या मार्गदर्शनाखाली पार पडली अशी माहिती ACB कडून देण्यात आली आहे.
भ्रष्टाचाराची तक्रार करण्यासाठी टोल फ्री क्रमांक 1064 किंवा पोलीस अधीक्षक – 9923023361, पोलीस उप अधीक्षक – 9594658686 यांच्याशी संपर्क साधावा.
- परभणी वैद्यकीय महाविद्यालयाच्या अधिष्ठातापदी डॉ. विश्वजित पवार
- (no title)
- धाराशिव मध्ये पावसासाठी ईदगाह मैदानावर विशेष नमाज व दुवा
- पावसाच्या खंडामुळे वाशी तालुक्यात सोयाबीन पिके करपली; शेतकऱ्यांच्या आशा पिकांसोबत जळून खाक
- पावसाच्या खंडामुळे नुकसान झालेल्या सोयाबीनसह इतर पिकांचे पंचनामे करून शेतकऱ्यांना तात्काळ आर्थिक मदत द्यावी;
आमदार कैलास पाटील यांची मुख्यमंत्री यांच्याकडे मागणी - श्री सिध्दीविनायक मल्टीस्टेट को ऑप क्रेडिट सोसायटीची १५ वी वार्षिक सर्वसाधारण सभा उत्साहात , सभासदांना १३ टक्के लाभांश जाहीर- दत्ता कुलकर्णी
- धाराशिव–सांजा–सारोळा रस्त्याच्या दुरवस्थेविरोधात काँग्रेस आक्रमक; तात्काळ काम सुरू करण्याची मागणी
- शिष्यवृत्ती परीक्षेत पारा शाळेचे घवघवीत यश; तिघे विद्यार्थी शिष्यवृत्तीधारक
- धाराशिव शहर महिला काँग्रेसच्या अध्यक्षपदी मनीषा सुरेंद्र वाघमारे यांची निवड
- पीएम-किसान योजनेबाबत लोकसभेत खासदार ओमप्रकाश राजेनिंबाळकर यांचा महत्त्वपूर्ण प्रश्न
- मराठवाडा शिक्षक संघाच्या धाराशिव जिल्हा सचिवपदी एस.के. दराडे
- शिक्षकांच्या विविध प्रलंबित प्रश्नांसाठीच्या धरणे आंदोलनास धाराशिव जिल्हा काँग्रेसचा पाठिंबा…
- धाराशिव जिल्हात चार ठिकाणी चोरी , गुन्हे दाखल
- जिल्हयातील वगळलेल्या 14 मंडळांसह 43 मंडळांना पिक कापणी प्रयोगाद्वारे देण्यासंदर्भात सुनावणी घ्यावी; आमदार कैलास पाटील यांची प्रधान सचिव यांच्याकडे मागणी!
- तुळजापूर येथील लिंगायत समाजाच्या जंगम मठाच्या जागेबाबत नगरपरिषदेने सर्वसाधारण सभेत घेतलेले ठराव रद्द करण्याची मागणी अन्यथा आंदोलन करण्याचा इशारा
- धाराशिव जिल्ह्यात सर्व महसुली मंडळांना एकसमान २४ हजार रुपये पीकविमा देण्याच्या मागणीसाठी महाविकास आघाडीचे विराट आंदोलन…
- महाळंगी येथे महालक्ष्मी देवीचा बुधवारी आषाढ पाणी यात्रा महोत्सव
- ‘महाराजस्व समाधान’ शिबिराला तुळजापूरकरांचा उत्स्फूर्त प्रतिसाद; १,०५० नागरिकांना योजनांचा लाभ
- बार्शी-बोरफळ रस्त्याच्या कामाची आ. राणाजगजितसिंह पाटील यांच्याकडून पाहणी; दर्जेदार व वेळेत काम पूर्ण करण्याच्या सूचना
- शेतकऱ्यांसाठी मोठी बातमी! कर्जमुक्तीच्या १६.१६ लाख लाभार्थ्यांची यादी जाहीर; लाभ मिळवण्यासाठी ‘या’ ५ प्रक्रिया पूर्ण करा
