धाराशिव – शहरातील खाजानगर भागात धाराशिव मर्दिनी कमान ते उमर चौक दरम्यान करण्यात आलेल्या नवीन नालीच्या कामामध्ये गंभीर अनियमितता आढळून आली आहे. या नालीचे काम सुरू असतानाच अनेक ठिकाणी मनमानी पद्धतीने रोडवर नाली वळविण्यात आली असून, काही ठिकाणी स्थानिकांचे अतिक्रमण न काढता थेट नालींचे मार्ग वळवले गेले आहेत. त्यामुळे नागरी समस्यांमध्ये भर पडली आहे.
दरम्यान, मदिना चौक परिसरात आज 3 मे रोजी संध्याकाळी 7 वाजता सुमारास नालीवरील स्लॅब कोसळला. त्या वेळी त्या नालीच्या स्लॅब वरुन एक मालवाहतूक गाडी जात होती. अचानक स्लॅब तुटल्याने ती गाडी अडकली आणि अपघातासारखी स्थिती निर्माण झाली. सुदैवाने मोठी हानी टळली असली, तरी या प्रकारामुळे स्थानिक नागरिकांमध्ये संताप व्यक्त केला जात आहे.
नागरिकांच्या म्हणण्यानुसार, काम करताना कोणतीही योग्य देखरेख किंवा गुणवत्तेचे परीक्षण करण्यात आलेले नाही. फक्त काम लवकर पूर्ण करण्याच्या घाईत निकृष्ट दर्जाचे साहित्य वापरले गेले आहे.
शहरातील इतर भागांमध्येही अशाच प्रकारच्या कामांची पुनरावृत्ती झाली असून, नगरपालिका बांधकाम विभागाचे दुर्लक्ष स्पष्टपणे दिसून येत आहे. प्रशासनाने तातडीने या कामांची चौकशी करून दोषी कंत्राटदार व अधिकाऱ्यांवर कारवाई करावी, अशी जोरदार मागणी नागरिकांकडून केली जात आहे.
- दहिफळ जि.प. शाळेसाठी शिक्षिकेची नियुक्ती करावी- प्रा.तुषार वाघमारे
- भीम जयघोषाने धाराशिव नगरी दणाणली , बहुजन योद्धा सामाजिक संघटना व डीएस ग्रुपच्या वतीने भव्य मिरवणूक काढून महामानवास अभिवादन
- धाराशिव येथे राष्ट्रवादी काँग्रेस पक्षाच्या (शरदचंद्र पवार) वतीने वक्ता प्रशिक्षण शिबिर संपन्न
- धाराशिवमध्ये हजरत ख्वाजा शमशोद्दीन गाजी वेल्फेअर सोसायटीच्या वतीने सामुदायिक विवाह सोहळा संपन्न
- मोदी सरकारला जनताच मुळासकट उखडून फेकेल – अखिल भारतीय काँग्रेस कमिटीचे उत्तर प्रदेशचे सहप्रभारी
- १९ व्या वर्षी पुणे पोलीस दलात निवड; देवधानोराच्या कृष्णाचा अभिमानास्पद प्रवास
- पार्थ पवार यांच्या राज्यसभा निवडीवर आमदार राणाजगजितसिंह पाटील यांची भावनिक प्रतिक्रिया
- धाराशिव आगाराची चालक-वाहक यांच्या कमतरतेवर यशस्वी मात !आगाराची उत्पन्न वाढीच्या दिशेने वाटचाल !
- जिल्हा परिषद शाळांमध्ये सेमी-इंग्रजी माध्यम सुरू; शिक्षण गुणवत्तावाढीसाठी महत्त्वपूर्ण निर्णय
- आंबा फळबागांप्रमाणे उर्वरित फळबागांचेही पंचनामे तातडीने होणार – आमदार राणाजगजितसिंह पाटील यांची माहिती
- मोबाईलमध्ये अडकलेला समाज : सुविधा की नव्या संकटाची चाहूल?
- भाजपाचा ४६ वा स्थापना दिवस उत्साहात साजरा, प्रत्येक बूथवर उद्योजक घडविण्याचा संकल्प
- येडेश्वरी देवीच्या पालखीवर हेलिकॉप्टरमधून पुष्पवृष्टी , पंढरपूर-तुळजापूरच्या धर्तीवर येरमाळ्यालाही ‘यात्रा अनुदान’ मिळवून देण्यासाठी आमदार राणाजगजितसिंह पाटील यांचे विशेष प्रयत्न
- आयएएस अधिकाऱ्यांच्या बदलीचे आदेश
- धाराशिवमध्ये अधीक्षकाला ८ हजारांची लाच घेताना रंगेहाथ अटक
