धाराशिव येथील सामाजिक वनीकरण विभागात हजेरी नोंदवहीत गंभीर अनियमितता आढळल्याची माहिती मिळत आहे. विभागाच्या कार्यालयात दोन दिवसांपूर्वीच आगामी दिवसांच्या उपस्थितीच्या सह्या नोंदवलेल्या असल्याचे प्रत्यक्ष पाहण्यात आले. उपस्थिती नोंद हे शासकीय कामकाजातील महत्त्वाचे दस्तऐवज मानले जातात. अशा नोंदी भविष्यात आधीच भरल्या जाणे हे नियमबाह्य असून त्यावर शंका निर्माण करणारे आहे.
एका कर्मचाऱ्याच्या उपस्थितीत हजेरी पट पाहण्याची विनंती करण्यात आली असता संबंधित नोंदवही दाखवण्यात आली. त्यावेळी भविष्यातील तारखांच्या सह्या नोंद झालेल्या असल्याचे स्पष्टपणे दिसून आले. सरकारी हजेरी नोंदी या प्रत्यक्ष उपस्थितीवर आधारित असणे बंधनकारक असताना अशा नोंदींचे स्वरूप विभागातील नियंत्रण यंत्रणेवर प्रश्न उपस्थित करते.
या प्रकाराबाबत वरिष्ठांकडून चौकशी होणे गरजे आहे. आवश्यक असल्यास या नोंदींची चौकशी होऊन प्रत्यक्ष हजेरीची खातरजमा करण्याची मागणी नागरिकांकडून व्यक्त केली जात आहे.
सामाजिक वनीकरण विभागाचे कार्यक्षेत्र मोठे असून कर्मचारी रोजच्या कामावर अवलंबून असतात. अशा स्थितीत उपस्थिती नोंदीतील अनियमितता ही गंभीर बाब मानली जात आहे.
धाराशिवच्या सामाजिक वनीकरण विभागातील हजेरी नोंदवहीत भविष्यातील तारखांच्या सह्या आढळणे ही घटना गंभीर स्वरूपाची असून यामुळे विभागीय कामकाजाच्या पारदर्शकतेवर प्रश्नचिन्ह उभे राहिले आहे. सरकारी हजेरी नोंद ही प्रत्यक्ष उपस्थितीची अधिकृत नोंद असताना अशा प्रकारचे व्यवहार शासकीय सेवा नियमांचे उल्लंघन मानले जातात. या घटनेची तातडीने चौकशी करून संबंधित कर्मचाऱ्यांवर महाराष्ट्र सिव्हिल सर्व्हिस आचारसंहिता तसेच भारतीय दंड संहितेतील लागू कलमानुसार कारवाई करण्यात यावी, अशी नागरिकांची अपेक्षा आहे.