धाराशिव, दि. ३० ऑक्टोबर २०२५ : महाराष्ट्र शासनाने प्रतिबंधित केलेल्या गुटखा, पान मसाला आणि तंबाखूजन्य पदार्थांच्या अवैध विक्रीविरुद्ध धाराशिव जिल्ह्यातील विविध पोलिस ठाण्यांनी धडक कारवाई केली आहे. लोहारा, उमरगा, नळदुर्ग आणि तुळजापूर पोलिस ठाण्यांत एकूण ९ जणांविरुद्ध गुन्हे दाखल करण्यात आले असून, हजारो रुपयांच्या प्रतिबंधित साहित्याची जप्ती करण्यात आली आहे. मात्र, जिल्ह्याच्या मुख्य शहरात अशी कारवाई कधी होणार आणि लहान टपऱ्या-दुकानदारांवरच कारवाई का होते, तर मोठ्या डीलरांवर अंकुश का लावला जात नाही, असा प्रश्न स्थानिक नागरिकांकडून उपस्थित होत आहे.
लोहारा पोलिसांची कारवाई
लोहारा पोलिस ठाण्याच्या हद्दीत २६ ऑक्टोबर रोजी दुपारी ३ वाजता हिप्परगा रवा येथे योगेश सुरेश जाधव या आरोपीच्या पंक्चर दुकानात तपासणी करण्यात आली. यावेळी केसरयुक्त विमल पान मसाला आणि तंबाखूचे ४५-४५ पुडे, एकूण १३,५०० रुपयांच्या प्रतिबंधित साहित्याची विक्रीसाठी साठवणूक असल्याचे आढळले. पोलिसांनी साहित्य जप्त करून भारतीय न्याय संहितेच्या कलम १२३, २२३, २७४, २७५ आणि अन्न सुरक्षा मानके कायद्याच्या कलम ५९ अन्वये गुन्हा दाखल केला.
उमरगा पोलिसांची कारवाई
उमरगा पोलिस ठाण्याच्या हद्दीत २९ ऑक्टोबर रोजी रात्री ७.४० वाजता तुरोरी येथील सौदागर किराणा दुकानात साजीद शरीफ चपराशी या २२ वर्षीय आरोपीकडे प्रतिबंधित विमल पान मसाला, व्ही १ तंबाखू, डायरेक्टर पान मसाला आणि शॉ ९९९ या साहित्याची २,०५९ रुपयांची साठवणूक आढळली. पोलिसांनी साहित्य जप्त करून वरीलच कलमांनुसार गुन्हा नोंदवला.
नळदुर्ग पोलिसांची मोठी कारवाई
नळदुर्ग पोलिस ठाण्याच्या हद्दीत २८ ऑक्टोबर रोजी विविध ठिकाणी पाच आरोपींविरुद्ध स्वतंत्र गुन्हे दाखल करण्यात आले. यात संतराम भुजंगराम कांबळे (वय ६६, अणदुर) यांच्याकडे केसरयुक्त विमल पान मसाला आणि व्ही वन तंबाखूचे २७० रुपयांचे साहित्य; विश्वनाथ राम हांगडे (वय ४८, फुलवाडी) यांच्याकडे केसरमिश्रीत प्रीमियम सुपर जेन पान मसाला, व्ही वन तंबाखू आणि एस.पी.९९९ तंबाखूचे ३९० रुपयांचे साहित्य; मुनाफ अब्दुल शेख (वय ६०, काटगाव) यांच्याकडे केसरयुक्त विमल पान मसाला, गाय छाप तंबाखू आणि डायरेक्टर स्पेशल पान मसाल्याचे ५९५ रुपयांचे साहित्य; शिराज महंमद मुजावर (वय ४५, काटगाव) यांच्याकडे गाय छाप तंबाखूचे ५०५ रुपयांचे साहित्य; आणि सुनिल शंकर तिवारी (वय ३०, काटगाव) यांच्याकडे डायरेक्टर स्पेशल पान मसाला, केसरयुक्त विमल पान मसाला आणि गाय छाप तंबाखूचे ४७५ रुपयांचे साहित्य जप्त करण्यात आले. या सर्व प्रकरणांत कलम ६ (ब), २४ सिगारेट व इतर तंबाखू उत्पादन जाहिरात प्रतिबंध आणि वाणिज्य पुरवठा विनियम अधिनियम २००३ अन्वये गुन्हे नोंदवण्यात आले.
तुळजापूर पोलिसांची कारवाई
तुळजापूर पोलिस ठाण्याच्या हद्दीत २९ ऑक्टोबर रोजी रात्री ७.२० वाजता सिंदफळ येथील आनंदवन बार अँड हॉटेलजवळील पान शॉपमध्ये हनुमंत बाबुराव माळी (वय ३१) यांच्याकडे डायरेक्टर स्पेशल पान मसाला आणि विमल पान मसाल्याचे ६३२ रुपयांचे प्रतिबंधित साहित्य आढळले. पोलिसांनी साहित्य जप्त करून कलम ६ (अ), २४ सिगारेट व इतर तंबाखू उत्पादन जाहिरात प्रतिबंध आणि वाणिज्य पुरवठा विनियम अधिनियम २००३ अन्वये गुन्हा दाखल केला.
या कारवायांमुळे जिल्ह्यातील ग्रामीण भागात अवैध तंबाखू विक्रीला आळा बसण्यास मदत होत असली तरी, धाराशिव शहरात अशी मोठी कारवाई का होत नाही, असा सवाल उपस्थित होत आहे. स्थानिक नागरिकांच्या मते, लहान टपऱ्या आणि दुकानदारांवरच कारवाई होते, पण मोठ्या डीलर आणि पुरवठादारांवर अंकुश का लावला जात नाही? पोलिस अधिकाऱ्यांकडून याबाबत स्पष्टीकरणाची मागणी होत आहे. जिल्हा प्रशासनाने या प्रकरणी अधिक कडक उपाययोजना कराव्यात, अशी अपेक्षा व्यक्त होत आहे.
- आ.पाटील वाढदिवसानिमित्त ढोकीत २५० शेतकऱ्यांना ज्वारी बियाण्यांचे मोफत वाटप, आ. राणाजगजितसिंह पाटील यांच्या वाढदिवसानिमित्त भाजपाचे जिल्हा सचिव प्रमोद देशमुख यांचा उपक्रम
Spread the love आ.पाटील वाढदिवसानिमित्त ढोकीत २५० शेतकऱ्यांना ज्वारी बियाण्यांचे मोफत वाटप आ. राणाजगजितसिंह पाटील यांच्या वाढदिवसानिमित्त भाजपाचे जिल्हा सचिव प्रमोद देशमुख यांचा उपक्रम धाराशिव : दुष्काळी परिस्थिती आणि पावसाच्या अनिश्चिततेमुळे अडचणीत सापडलेल्या शेतकऱ्यांना आगामी पेरणीच्या हंगामात मदत व्हावी, या उद्देशाने आमदार राणाजगजितसिंह पाटील यांच्या वाढदिवसानिमित्त ढोकी येथे २५० शेतकरी बांधवांना मोफत ज्वारी बियाण्यांचे वाटप… - चिंचपूरच्या शेतात गोवा बनावटीच्या मद्याचा साठा; ७.९२ लाखांचा मुद्देमाल जप्त!Spread the loveचिंचपूरच्या शेतात गोवा बनावटीच्या मद्याचा साठा; ७.९२ लाखांचा मुद्देमाल जप्त! १७७ बॉक्स देशी दारू आणि ७ बॉक्स रॉयल स्टॅग व्हिस्कीचा समावेश; राज्य उत्पादन शुल्क विभागाची कारवाई, आरोपी फरार धाराशिव (प्रतिनिधी) : महाराष्ट्रात विक्रीस प्रतिबंधित असलेल्या गोवा बनावटीच्या देशी व विदेशी मद्याचा साठा राज्य उत्पादन शुल्क विभागाने जप्त केला. परंडा तालुक्यातील चिंचपूर (बु.) येथील…
- दुष्काळी भागातील सर्व नगरपरिषद, नगरपंचायतींमध्ये रोजगार हमीची कामे सुरू करा! – आमदार राणाजगजितसिंह पाटील यांची शासनाकडे मागणीSpread the loveदुष्काळी भागातील सर्व नगरपरिषद, नगरपंचायतींमध्ये रोजगार हमीची कामे सुरू करा!आमदार राणाजगजितसिंह पाटील यांची शासनाकडे मागणी धाराशिव : राज्यातील तीव्र दुष्काळामुळे ग्रामीण भागासह शहरांमधील अर्थव्यवस्थेवरही परिणाम होत आहे. रोजंदारीवर अवलंबून असलेल्या कुटुंबांसमोर उपजीविकेचा मोठा प्रश्न निर्माण झाला आहे. या पार्श्वभूमीवर राज्यातील दुष्काळ ग्रस्त जाहीर झालेल्या सर्व तालुक्यातील नगरपालिका आणि नगरपंचायतींच्या क्षेत्रांत रोजगार हमी योजनेअंतर्गत…
- एस टी खाजगीकरणाचा विद्यार्थ्यांना भुर्दंड… , ई-बसमध्येही विद्यार्थ्यांचे पास चालवा! – आमदार कैलास पाटील यांची परिवहन मंत्र्यांकडे मागणीSpread the love धाराशिव : महाराष्ट्र राज्य मार्ग परिवहन महामंडळाच्या इलेक्ट्रिक बसमधून शाळा व महाविद्यालयीन विद्यार्थ्यांना वैध शालेय पासच्या आधारे प्रवास करण्यास परवानगी द्यावी, अशी मागणी आमदार कैलास पाटील यांनी परिवहन मंत्री प्रताप सरनाईक यांच्याकडे पत्राद्वारे केली आहे. नियमित एसटी बसचा पास असतानाही विद्युत बसमधून प्रवास करण्यास मनाई होत असल्याने विद्यार्थ्यांची गैरसोय होत असून, त्यांना…
- कचरा डेपो हलविण्याबाबत तात्काळ निर्णय घ्या, रवी वाघमारे व पंकज पाटील यांचा मुंबईच्या महाराष्ट्र प्रदूषण नियंत्रण मंडळास निर्वाणीचा इशारा!Spread the loveकचरा डेपो हलविण्याबाबत तात्काळ निर्णय घ्या;रवी वाघमारे व पंकज पाटील यांचा मुंबईच्या महाराष्ट्र प्रदूषण नियंत्रण मंडळास निर्वाणीचा इशारा! धाराशिव ता.15: धाराशिव शहरातील नागरी वस्ती, शाळा, महाविद्यालये व रुग्णालयांच्या परिसरालगत असलेला कचरा डेपो तात्काळ व कायमस्वरूपी स्थलांतरित करावा असा निर्वाणीचा इशारा युवा सेना जिल्हाप्रमूख रविंद्र वाघमारे व नगरसेवक पंकज पाटील यांनी मुंबई येथील प्रदूषण…
