धाराशिव : विजापूर – सोलापूर – धाराशिव – बीड – छत्रपती संभाजीनगर या मार्गावर धावणारी एसटी महामंडळाची बस ऑनलाईन तिकीट प्रणालीमध्ये सकाळी ९:३० वाजता धाराशिवहून सुटते, असे दाखवले जाते. मात्र प्रत्यक्षात ही बस तब्बल दीड तास उशिराने, म्हणजेच अकरा वाजता सुटत असल्याने प्रवाशांना मोठ्या गैरसोयीचा सामना करावा लागत आहे.
दि. २८ एप्रिल रोजी एमएच २० बीएल ४०३६ क्रमांकाच्या गाडीचे तिकीट एका प्रवाशाने ९:३० वाज्याच्या वेळेनुसार आरक्षित केले होते. मात्र धाराशिव बस स्थानकावरील मुदत कक्षातील कर्मचाऱ्यांनी स्पष्ट केले की, सदर बस प्रत्यक्षात अकरा वाजता सुटते. नंतर प्रवाशाने स्वतःही प्रत्यक्ष पाहणी करून याची खात्री केली.
या गोंधळामुळे प्रवाशांना साडेनऊ वाजल्यापासून अकरा वाजेपर्यंत बस स्थानकावर ताटकळत थांबावे लागत आहे. बस स्थानकाचे बांधकाम सुरू असल्याने प्रवाशांसाठी लहानशा जागेत तात्पुरती व्यवस्था करण्यात आलेली आहे. मात्र तेथे अस्वच्छतेचे साम्राज्य आहे, पंखे बंद आहेत आणि रात्रीच्यावेळी पोलीस सुरक्षा देखील उपलब्ध नाही. त्यामुळे प्रवाशांना विविध समस्यांना तोंड द्यावे लागत आहेत.
महामंडळाच्या ऑनलाईन तिकीट प्रणालीतील चुकीची माहिती प्रवाशांना गंडवत आहे. त्यामुळे धा परिवहन मंत्री तथा जिल्ह्याचे पालकमंत्री प्रताप सरनाईक यांनी या त्रुटी तातडीने दूर करून प्रवाशांसाठी योग्य सुविधा उपलब्ध करून द्याव्यात, अशी जोरदार मागणी नागरिकांकडून केली जात आहे
- वर्धा-यवतमाळ-नांदेड रेल्वे प्रकल्पातील गौण खनिज भ्रष्टाचार…, ईटीएस मोजणी अहवाल २ महिन्यात सादर करा.. विधानसभा उपाध्यक्ष अण्णा बनसोडे यांचे निर्देश..
- वर्षात फक्त स्थगिती दिसली प्रगती नाही! तानाजी जाधवर यांचा भाजपवर पलटवार
- जिल्ह्यातील सर्वच मतदारांचे मनःपूर्वक आभार भाजपा जिल्हाध्यक्ष दत्ताभाऊ कुलकर्णी
- आश्रमशाळा शिंगोलीत संविधान दिनानिमित्त विद्यार्थी शैक्षणिक साहित्याचे प्रदर्शन व पालक मेळाव्याचे आयोजन
- सामाजिक वनीकरण विभागात हजेरी नोंदवहीत अनियमितता? भविष्यातील तारखांच्या सह्या आढळल्याने प्रश्नचिन्ह
