धाराशीव – लाचलुचपत प्रतिबंधक विभागाच्या (ACB) पथकाने आज (25 मार्च 2025) आरोग्य विभागाच्या एका कंत्राटी कर्मचाऱ्यावर लाच स्वीकारताना रंगेहाथ पकडल्याची कारवाई केली आहे. आरोपी नरसिंग तुकाराम सूर्यवंशी (वय 50), पद – पॅरामेडिकल वर्कर (कंत्राटी), सहाय्यक संचालक आरोग्य सेवा (कुष्ठरोग), सेंट्रल बिल्डिंग, जिल्हा धाराशीव, याने तक्रारदाराकडे त्याच्या प्रलंबित पगार आणि टी.ए. बिल मंजूर करण्यासाठी २५,००० रुपयांच्या लाचेची मागणी केली होती.
पडताळणी दरम्यान २७,००० रुपयांची मागणी
तक्रारदाराने लाचलुचपत प्रतिबंधक विभागाकडे तक्रार दाखल केल्यानंतर, ACB पथकाने सत्यता पडताळण्यासाठी सापळा रचला. सहाय्यक संचालक आरोग्य सेवा (कुष्ठरोग) कार्यालयात पंचासमक्ष पडताळणी केली असता आरोपीने २७,००० रुपयांची मागणी करत तडजोडीनंतर पहिला हप्ता म्हणून १५,००० रुपये स्वीकारण्यास सहमती दर्शवली.
रंगेहाथ पकडले
सापळा रचून आज (25 मार्च) आरोपी नरसिंग सूर्यवंशी याने तक्रारदाराकडून १५,००० रुपये स्वीकारले. यावेळी ACB पथकाने त्याला रंगेहाथ पकडले.
झडतीत आढळलेल्या वस्तू
आरोपीच्या अंगझडतीत पुढील वस्तू जप्त करण्यात आल्या आहेत:
- लाच रक्कम – १५,००० रुपये
- ५ ग्रॅम वजनाची चांदीची अंगठी
- इतर रोख रक्कम – ३०० रुपये
- Vivo कंपनीचा मोबाईल फोन
तसेच, आरोपीच्या घराची झडती सुरू असून त्यामधून आणखी महत्त्वाची माहिती मिळण्याची शक्यता आहे.
गुन्हा दाखल, पुढील तपास सुरू
या प्रकरणी भ्रष्टाचार प्रतिबंधक अधिनियम १९८८ मधील कलम ७ अ अंतर्गत आनंदनगर पोलीस ठाण्यात गुन्हा दाखल करण्याची प्रक्रिया सुरू आहे. आरोपीला अटक करण्यात आली असून पुढील तपास करण्यात येत आहे.
पथकातील अधिकारी व कर्मचारी
- सापळा अधिकारी – श्री. विकास राठोड, पोलीस निरीक्षक, ACB धाराशीव
- सहाय्यक पथक – नेताजी अनपट, सचिन शेवाळे, विशाल डोके, नागेश शेरकर, शशिकांत हजारे, प्रकाश भोसले
- वाहन चालक – दत्तात्रय करडे
- पर्यवेक्षण अधिकारी – श्री. सिध्दाराम म्हेत्रे, पोलीस उपअधीक्षक, ACB धाराशीव
- मार्गदर्शक अधिकारी –
- श्री. संदीप आटोळे, पोलीस अधीक्षक, ACB छत्रपती संभाजीनगर
- श्री. मुकुंद आघाव, अपर पोलीस अधीक्षक, ACB छत्रपती संभाजीनगर
तक्रारीसाठी संपर्क साधा
जर आपल्याला भ्रष्टाचाराबाबत कोणतीही तक्रार द्यायची असेल, तर टोल फ्री क्रमांक 1064 किंवा पोलीस अधीक्षक, ACB छत्रपती संभाजीनगर (9923023361) तसेच पोलीस उपअधीक्षक (9594658686) यावर संपर्क साधावा.
– अंतरसंवाद न्यूज