📰 आदर्श प्राथमिक व विद्यानिकेतन आश्रम शाळेत ‘आयुष्यमान भारत कार्ड’ मोहिमेला उत्स्फूर्त प्रतिसाद

धाराशिव : आदर्श प्राथमिक आश्रम शाळा व विद्यानिकेतन माध्यमिक आश्रम शाळा येथे विद्यार्थ्यांसाठी ‘आयुष्यमान भारत आरोग्य कार्ड’ काढण्याची उपक्रमशील मोहीम उत्साहात पार पडली. जिल्हा आरोग्य विभागाच्या माध्यमातून घेण्यात आलेल्या या मोहिमेमुळे २७० विद्यार्थ्यांना कार्ड मिळाले असून, विद्यार्थ्यांमध्ये आनंदाचे वातावरण निर्माण झाले आहे.

या उपक्रमात जिल्हा समन्वयक आकाश निलेगांवकर, आलिम शेख, शाहरूख शेख, साजेदा शेख, समीना मुजावर यांनी विशेष मेहनत घेतली. त्यांच्या कार्याचे मुख्याध्यापक अण्णासाहेब चव्हाण, सतीश कुंभार, दिपक खबोले व प्रशांत राठोड यांनी फेटा बांधून, शाल, श्रीफळ व पुष्पगुच्छ देऊन गौरव केला.

कार्यक्रमाच्या वेळी चंद्रकांत जाधव, खंडू पडवळ, शेषेराव राठोड, वरिष्ठ लिपिक मस्के संजीवकुमार, विशाल राठोड, मल्लिनाथ कोणदे, कैलास शानिमे, सचीन राठोड, सुधीर कांबळे, इरफान शेख, सुरेखा कांबळे, श्रद्धा सुर्यवंशी, ज्योती राठोड, ज्योती साने, बालिका बोयणे, वसतीगृह अधीक्षिका वैशाली शितोळे यांच्यासह शिक्षकेतर कर्मचारी गोविंद बनसोडे, सागर सुर्यवंशी, अमोल जगताप, सचीन अनंतकळवास, अविनाश घोडके, रेवा चव्हाण, लिंगा आडे उपस्थित होते.

या उपक्रमामुळे विद्यार्थ्यांना मोफत आरोग्य सुविधा लाभण्याचा मार्ग मोकळा झाला असून, शिक्षणाबरोबरच आरोग्याकडेही शाळेचा सक्रिय दृष्टिकोन दिसून येतो.