धाराशिव,दि.२४ (जिमाका) सामाजिक न्याय व विशेष सहाय्य विभागांतर्गत देण्यात येणाऱ्या भारत सरकार शिष्यवृत्ती,शिक्षण शुल्क व परिक्षा शुल्क प्रतिपुर्ती,राजर्षी शाहू महाराज गुणवत्ता शिष्यवृत्ती व व्यावसायिक पाठ्यक्रमात शिक्षण घेत असलेल्या विद्यार्थ्यांना निर्वाह भत्ता इत्यादी योजनेचे सन २०२४-२५ या शैक्षणिक वर्षातील अर्ज भरणेकरिता http://mahadbtmahit.gov.in हे संकेतस्थळ २५ जुलै २०२४ पासून सुरू केलेले आहे.
सन २०२४-२५ करिता महाडीबीटी प्रणालीवर ४५७ ९ अनुसूचित जाती प्रवर्गातील विद्यार्थ्यांनी अर्ज भरले आहे. त्यापैकी १४५७ अर्ज हे महाविद्यालय स्तरावर प्रलंबित आहेत.संबंधित महाविद्यालयाच्या प्राचार्यानी अद्यापपर्यंत या अर्जाची पडताळणी करून हे अर्ज सहाय्यक आयुक्त,समाज कल्याण कार्यालयाकडे सादर केलेले नाहीत.
जिल्ह्यातील सर्व प्राचार्यानी सन २०२४-२५ करिता आपल्या महाविद्यालयाच्या लॉगिनवर प्रलंबित असलेले अनुसूचित जाती प्रवर्गाच्या विद्यार्थ्याचे भारत सरकार शिष्यवृत्तीचे पात्र अर्ज मंजुरीकरीता तात्काळ सादर करावेत.असे आवाहन समाज कल्याणचे सहायक आयुक्त बाबासाहेब अरवत यांनी केले आहे.
तसेच ज्या अर्जामध्ये त्रुटी असतील असे अर्ज त्रुटी पुर्तता करुनच समाज कल्याण कार्यालयाकडे मंजुरीसाठी सादर करावेत. महाविद्यालयाच्या लॉगिनला एकही अर्ज प्रलंबित राहणार नाही याची दक्षता प्राचार्यांनी घ्यावी.मागील वर्षाच्या तुलनेत अनुसूचित जाती प्रवर्गातील विद्यार्थ्याचे महाडीबीटी प्रणालीवर शिष्यवृत्ती अर्ज नोंदणीचे प्रमाण कमी असून ज्या महाविद्यालयातील विद्यार्थ्यांनी अद्यापपर्यंत शिष्यवृत्ती अर्ज भरलेले नाहीत अशा विद्यार्थ्यांना अर्ज भरणेकरिता महाविद्यालय स्तरावरून सूचित करण्यात यावे,असेही कळविण्यात आले आहे.